Diplomatik nümayəndəliklər

Azərbaycan Xalq Çümhuriyyəti dövründə xarici siyasət və diplomatik əlaqələr Xarici İşlər Nazirliyi, Azərbaycanın xarici dövlətlərdəki səfirlikləri, diplomatik nümayəndəlikləri, konsulluqları, habelə, xarıci dövlətlərin Azərbaycandakı diplomatik nümayəndəlikləri və konsulluqları vasitəsilə həyata keçirilmişdir.

AXC dövründə xarici işlər nazirləri:

Məmmədhəsən Hacınski      28 may ‐ 6 oktyabr 1918

Əlimərdan bəy Topçubaşov      6 oktyabr ‐ 26 dekabr 1918

Fətəli xan Xoyski       26 dekabr 1918 ‐ 14 aprel 1919,  22 dekabr 1919 ‐ 27 aprel 1920

Məmmədyusif Cəfərov      14 aprel ‐ 22 dekabr 1919

Azərbaycanın xaricdəki səfirlikləri, nümayəndəlikləri və konsulluqları

Paris sülh konfransında nümayəndə heyətinin rəhbəri - Əlimərdan bəy Topçubaşov

Ermənistanda diplomatik nümayəndə:

1. Məhəmməd bəy Təkinski
2. Əbdürrəhim bəy Haqverdiyev
3. Teymur bəy Makinski

Gürcüstanda diplomatik nümayəndə:

1. Məmmədyusif Cəfərov
2. Faris bəy Vəkilov

Dağlı Xalqları Respublikasında diplomatik nümayəndə - Əbdürrəhim bəy Haqverdiyev

Türkiyədə diplomatik nümayəndə -

1. Əlimərdan bəy Topçubaşov
2. Yusif bəy Vəzirov (Çəmənzəminli)

İranda səfir - Adil xan Ziyadxanov
Ənzəlidə vitse-konsul - Məhəmməd bəy Xəlilov
1920-ci il aprelin 1-də Təbrizdə baş konsulluq, Rəştdə konsulluq, Məşhəddə vitse-konsulluq, Xoy və Əhərdə konsul agentlikləri yaradılmışdır.

Türküstanda (Zakaspidə) nümayəndə - Əkbər ağa Sadıqov

Kuban və Don hökumətləri yanında səlahiyyətli nümayəndə və ticarət agenti - Cəfər bəy Rustəmbəyov

Batumda baş konsul - Mahmud bəy Əfəndiyev

Ukraynada diplomatik nümayəndə - Yusif bəy Vəzirov (Çəmənzəminli), konsul - Camal Sadıqov

Krımda konsul agenti - Şeyx Əli Hüseynov

1918-1920-ci illərdə Azərbaycan Xalq Cümhuriyyəti hökumətinin Ermənistan, Gürcüstan, Türkiyə, Dağlılar Respublikası və Türküstanda diplomatik nümayəndəliyi, İranda səfirliyi, Kuban və Don hökumətləri yanında səlahiyyətli nümayəndəsi, Paris Sülh Konfransında səlahiyyətli nümayəndə heyəti fəaliyyət göstərmişdir. 

Həmin illərdə Bakıda bir sıra dövlətlərin nümayəndəlikləri fəaliyyət göstərmişdir:

Xarici dövlətlərin Bakıda yerləşən nümayəndəlikləri

	Ölkə	Nümayəndənin adı	Ünvan
1.	Böyük Britaniya	Vitse-konsul Gevelke	Kladbişenskaya küçəsi, 11, Rus-Asiya bankının dəftərxanası
2.	Ermənistan	Diplomatik nümayəndə G.A. Bekzadyan	Telefonnaya, 5
3.	Belçika	Konsul Ayvazov	Gorchakovskaya küçəsi, 19
4.	Yunanıstan	Konsul Kusis	Gogolevskaya və Molokanskaya küçələrinin tini
5.	Gürcüstan	Diplomatik nümayəndə N.S. Alışbey	Politseyskaya küçəsi, 20
6.	Danimarka	Konsul E.F. Bisrinq	Birjevaya küçəsi, 32. Elektricheskaya Sila şirkətinin binası
7.	İtaliya	Səkkizinci missiyanın başçısı Enrico İnsom	Molokanskaya küçəsi, 35.
8.	Litva	Konsul agenti V.İ Mitskeviç	Pozenovskaya küçəsi, 15
9.	İran	Baş konsul Saad ul Vizirov	Gubernskaya Spasskiy küçəsinin tini
10.	Polşa	Konsul agenti S. Rılskiy	Politseyskaya küçəsi, 15
11.	ABŞ	Vitse-konsul Randolf	Krasnovodskaya küçəsi, 8
12.	Ukrayna	Vitse-konsul Golovan	Nikolayevskaya, 8. Mirzəbəyovun evi
13.	Finlandiya	Konsul agenti Veqelius	Balaxanı ərazisi. Nobel qardaşlarının ofisi
14.	Fransa	Konsul agenti Yemelyanov	Vodovoznaya küçəsi, Mitrofanovun evi
15.	İsveçrə	Konsul Klottyu	Birjevaya küçəsi. 14
16.	İsveç	Konsul R.K. Van-der-Pluq	Persidskaya və Gubernskaya küçələrinin tini

Azərbaycanın müstəqilliyi Antanta Ali Şurası tərəfındən tanındıqdan sonra hökumətin hazırladığı “Qərbi Avropa və Amerikada Azərbaycan Cümhuriyyətinin diplomatik missiyalarının yaradılması və Paris sülh konfransındakı Azərbaycan nümayəndəliyinin ləğv edilməsi haqqında” qanun layihəsi Parlamentdə müzakirə olundu və qəbul edildi. Həmin qanuna görə, 1920 il aprelin 1-dən etibarən Böyük Britaniya, Fransa, İsveçrə, İtaliya, ABŞ, Almaniya, Rusiya və Polşada (Latviya, Litva, Estoniya, Finlandiya, Ukrayna, Rumıniya) Azərbaycan Xalq Cümhuriyyətinin diplomatik nümayəndəlikləri təsis olunmalı idi. 
Lakin sovet-bölşevik rejiminin beynəlxalq hüquq normalarım kobudcasına pozaraq Şimali Azərbaycanı işğal etməsi və de-fakto tanınmış müstəqil Azərbaycan Xalq Cümhuriyyətini aradan götürməsi nəticəsində Azərbaycanın xarici ölkələrlə diplomatik əlaqələrinə və beynəlxalq münasibətlər sistemində təmsil olunmasına son qoyuldu.